Türkiyə - dost yoxsa düşmən

Türkiyə - dost yoxsa düşmən

19/11/2011 - 23:34

Aşur Mehdi

Dünya siyasətində ABŞ və İsrailin çox mehriban böyük və kiçik qardaş olması bütün dövlətlərə məlumdur. Nə ABŞ İsrailin etdikləri zülmləri pisləyir, nədə İsrail etdikləri zülmlərdən əl çəkir. Çünki, arxasında ABŞ kimi böyük qardaşı var.
Şərqdə ən çox zülm edən iki dövlət varsa ABŞ və İsraildir. Öz mövqelərini gücləndirmək üçün ildə milyardlarda dollar xərcləyəndə bu iki dövlətdir.

Mənim ABŞ və İsrailin dünyada etdikləri oyunlardan və zülmlərdən yazmaq fikrim yoxdur. Sadəcə iki dövlətin dünya dövlətərinə qarşı qurduğu torlardan və bu torlara düşən dövlətlərin siyasətindən,xüsusilədə qardaş Türkiyənin siyasətindən yazacam.
Hal-hazırda şərqdə güclənən iki dövlət var; İran və Türkiyə.
İranın siyasəti beynəlxalq aləmdə bəllidir. ABŞ və İsraili dünyada terrorçu və dövlətlərin daxili işinə qarışan dövlətlər kimi tanıyır və hər iki dövlətin siyasətini pisləyir.

Bəs Türkiyənin siyasəti? Qardaş ölkənin siyasətini diqqətlə nəzərdən keçirək. İqtisadi cəhətdən sürətlə inkişaf edən Türkiyənin nüfuzu şərqdə, xüsusəndə ərəb ölkələri arasında sürətlə artmaqdadır. Türkiyənin artan nüfuzundan ən çox istifadə etmək istəyən dövlət şübhəsiz ABŞ-dır.

Türkiyə ilə İsrail münasibətlərinin korlanması qardaş ölkənin nüfuzunu artırsada, ABŞ-la əlaqlərin yaxşılaşdırılması Türkiyənin ABŞ-ın şərq siyasətindəki toruna düşdüyünü göstərir.

Türkiyənin ABŞ toruna düşdüyünü hiss etdirməmək üçün, 2050- ci ildə Türkiyənin dünyanın ən güclü dövlət olacağını ortaya atdılar. Yəhudi professor David Passiq 2050- ci ildə Türkiyənin ABŞ-dandada güclü dövlət olacağını iddi edib. Allahda bilir ki, bunun olmasını istəyənlərdən biridə mənəm. Amma professor David Passiq enerrji təminatını xaricdən təmin edən, silah idxal edən Türkiyənin necə super güc olacağını öz kitabında iqtisadi cəhətdən göstərə bilməsədə, Şərqdə bir çox ölkənin taleyinin Türkiyəyə bağlı olduğunu qeyd edib. Öz kitabında bir çox boşluqların olması Türkiyədə bəzi yazarlara “Yoxsa bu kitabı Mossadmı yazdırdı?” sualını verməyə vadar etdi.

Türkiyə hakimiyyəti ABŞ-ın qurduğu tordan tez qurtulmasa, digər böyük müsəlman dövləti olan İran ilə münasibətləri korlanacaq. Çünki, İran ABŞ-ın beynəlxalq aləmdəki siyasətini pisləyir. Türkiyə isə tam əksinə, Avro RHM-in öz ərazisində yerləşdirilməsi üçün razılıq verib. Halbuki, NATO-nun bu RHM Türkiyə ərazisində yerləşdirilməsi İranın narazılığına səbə olmuşdur. Bu addım istənilən halda regionda İsrailin xeyrinə olan bir addımdır deyən İran, Türkiyənin ikiüzlü siyasət yürütdüyünüdə bildirmişdir.

Bu qədər sürətlə inkişaf edən Türkiyə, sürətli inkişafının davam etməsini istəyirsə İsrail və ABŞ-la siyasətini yenidən nəzərdən keçirmək məcburiyyətindədir. Çünki, istənilən halda Türkiyə ilə ABŞ arasında yarana biləcək hər hansı bir soyuqluq Türkiyənin parçalanmasına gətirib çıxarda bilər. Türkiyə ayıq olmalı və müsəlman dövlətləri ilə əlaqələrini dahada möhkəmlətməli, hər hansı bir ixtilafın olmaması üçün səylə çalışmalıdır. ABŞ-ın istəklərinə boyun əyməməlidir.